O reloxo ALICE4u, dispoñible en branco e gris, conta cunha pantalla de grandes dimensións e non ten botóns.  

Ao ser totalmente resistente á agua, pode e debe usarse durante o baño.

Para enviarlle alertas ou notificacións e captar a súa atención, vibrará no seu pulso.

Sempre que teña medicación prescrita, o reloxo vibrará no seu pulso e aparecerá na pantalla a imaxe dunha pastilla.

Para saber o nome do medicamento debe premer no centro da pantalla.

Por defecto, o reloxo vibrará cinco veces ao día e aparecerá na pantalla a imaxe dun vaso.

Este lembrete ten como obxectivo recordarlle a necesidade de beber auga.

A vibración deterase automaticamente, sen necesidade de intervención.

Se o reloxo detecta un movemento compatible cunha caída, vibrará e na pantalla aparecerá a imaxe dunha persoa caendo.

Se non caeu, pode desactivar a alarma nos primeiros vinte segundos premendo no centro da pantalla.

Se realmente caeu, o reloxo enviará unha mensaxe á súa persoa de referencia.

Se sae da zona segura marcada, o reloxo vibrará e a súa persoa de referencia recibirá unha notificación.

Se precisa axuda, pode premer dúo veces o centro da pantalla (sentirá unha vibración en cada toque) para enviar unha solicitude de apoio á súa persoa de referencia.

O reloxo pode recibir chamadas de ata cinco números diferentes.

Cando alguén lle chame, o reloxo soará e mostrará o nome da persoa que o contacta.

A chamada atenderase automaticamente despois de tres tons.

O reloxo debe cargarse cando a batería alcance o 10% (recibirá unha notificación).

Para cargalo, colóqueo na base de carga e asegúrese de que a luz vermella se acende. Durante a carga, pode notar un lixeiro aumento de temperatura, que é normal.